हाम्रो बारेमा

नेपालको संविधानको भाग १३ धारा १६२मा प्रदेश कार्यपालिका सम्बन्धी व्यवस्था भए बमोजिम  कोशी प्रदेश, मन्त्रिपरिषदको गठन संविधानको धारा १६८ अनुसार मिति २०७४/११/३ गते भएको हो । नेपालको संविधानको अनुसूची ६ मा रहेको प्रदेश सरकारको अधिकारको सूची बमोजिम यस मन्त्रालयले मूख्यत: शान्ति सुरक्षा¸ प्रदेश प्रहरी¸ प्रदेश अनुसन्धान ब्युरो¸ विपद् व्यवस्थापन¸ द्वन्द्व व्यवस्थापन¸ कानून¸ न्याय¸ सञ्चार तथा प्रदेश सभा मामिला सम्बन्धी कार्य गर्दछ ।

 यस मन्त्रालय कोशी प्रदेशको  राजधानी  बिराटनगर महानगरपालिका वार्ड नं. १०¸ सोमबारे हाट नजिक अवस्थित रहेको छ । यस मन्त्रालयको संगठन संरचना अनुसार प्रदेश सचिव रा.प. प्रथम(प्र.)¸ ५ वटा महाशाखाहरु (प्रशासन तथा योजना महाशाखा¸ यातायात व्यवस्था महाशाखा, शान्ति सुरक्षा तथा विपद् व्यवस्थापन महाशाखा, कानून तथा प्रदेश सभा मामिला महाशाखा र सञ्चार तथा सूचना प्रविधि महाशाखा)¸ माननीय मन्त्री ज्यूको निजी सचिवालय र १२ वटा शाखाहरु समेतमा गरी ५९ जना कर्मचारीको दरबन्दी रहेको छ ।